البنك الأهلي يواصل دعم محاربات سرطان الثدي في «بهية» لأكثر من 10 سنوات

26 / 10 / 2026

• أخبار
• الاخبار المميزة
• الجمهورية الجديدة

أكد البنك الأهلي المصري مواصلته دعم محاربات سرطان الثدي في مؤسسة «بهية» على مدار أكثر من 10 سنوات، انطلاقًا من حرصه على دعم المرأة المصرية والتوعية بأهمية الكشف المبكر.

وقال البنك: «بهية في ضهر كل ست مصرية.. على مدار أكثر من 10 سنين دعمنا محاربات سرطان الثدي، لأن صحتك غالية، بنفكّرك إن خطوتك النهارده للكشف المبكر هي أمل بُكرة.. أكتر من 10 سنين والبنك الأهلي المصري ضهر وسند لكل ست مصرية».

محاربات «بهية» يروين رحلتهن مع المرض

وقالت هند بغدادي، إحدى محاربات «بهية»: «فكرة إن الواحد عنده سرطان دي صعبة شوية، زعلت وعيطت. لقيت فيه متطوعين في المستشفى بيهدوني، وحسيت من اللحظة دي إن أنا هبقى كويسة. وأنا في رحلة العلاج قررت أتطوع، وعملنا غرفة بنساعد فيها المحاربات ونعلمهم إزاي يحافظوا على جلدهم وبشرتهم. فتحنا كمان مشغل أكبر، كل حاجة بتتعمل فيه بإيد محاربات بهية».

ومن جانبها، قالت ليلى حسين، إحدى محاربات «بهية»: «بقالي 10 سنين في بهية، عرفتني على ناس طيبين جدًا، وبقول لأي حد جاله كانسر: متخافوش. وعاوزة أوجه الشكر للبنك الأهلي المصري، ليهم جزيل الشكر».